🚧 जिल्ह्यातील रस्ते कामांमध्ये IRC नियमांचे खुलेआम उल्लंघन — नागरिकांच्या जीवाशी खेळ सुरू…?

पालघर | प्रतिनिधी

पालघर जिल्ह्यात सध्या सुरू असलेल्या रस्ते दुरुस्ती आणि मजबुतीकरणाच्या कामांबाबत गंभीर प्रश्न निर्माण झाले आहेत. झाई–बोर्डी ते रेवस राज्य महामार्गावरील पालघर–सफाळे मार्गावर माहिम पेट्रोल पंपाजवळ सुरू असलेले काम हे पूर्णपणे नियोजनशून्य आणि बेफिकीर पद्धतीने सुरू असल्याचे स्पष्ट चित्र दिसत आहे.

🚨आधीच अरुंद असलेल्या या मार्गाचा अर्ध्यापेक्षा अधिक भाग सुमारे दीड फूट खोलपर्यंत खोदून ठेवण्यात आला आहे. काही ठिकाणी तर रस्ता दोन्ही बाजूंनी उखडल्याने वाहन चालकां समोर अक्षरशः सापळा उभा राहिल्याची परिस्थिती निर्माण झाली आहे. दिवसा ही अवस्था त्रासदायक असली तरी रात्रीच्या वेळी ती जीवघेणी ठरत आहे. 🌙⚠️

स्थानिकांच्या मते, या ठिकाणी आधीच काही अपघात घडले असूनही संबंधित यंत्रणा अजूनही गंभीर झालेली दिसत नाही. काम सुरू असताना सूचना फलक, रिफ्लेक्टर, बॅरिकेड्स, सिग्नलिंग किंवा सुरक्षा रक्षक आणि वाहतूक नियंत्रणाची कोणतीही प्रभावी व्यवस्था करण्यात आलेली नाही. परिणामी, नागरिकांना स्वतःच्या जबाबदारीवर जीव मुठीत धरून प्रवास करावा लागत आहे.

🚑हीच परिस्थिती केवळ या मार्गापुरती मर्यादित नसून MIDC परिसरातील रस्ते, विशेषतः रात्रीच्या वेळी कोणतेही सूचना फलक, रिफ्लेक्टर, बॅरिकेड्स किंवा वाहतूक नियंत्रण नसल्याने परिस्थिती अधिकच गंभीर बनते. काही अपघात घडूनही प्रशासनाकडून ठोस उपाययोजना न झाल्याने नागरिकांमध्ये तीव्र नाराजी निर्माण झाली आहे.

🚑 मनोर–वाडा मार्ग, डहाणू–चारोटी मार्ग तसेच जिल्ह्यातील अनेक अंतर्गत रस्त्यांवरही दिसून येत आहे. एकाच वेळी अनेक ठिकाणी रस्ते उखडून ठेवले जात आहेत, पण काम पूर्ण करण्यासाठी स्पष्ट वेळापत्रक किंवा पर्यायी मार्गांची योग्य आखणी दिसत नाही.

📉प्रश्न असा निर्माण होतो की, रस्ते विकासाच्या नावाखाली नागरिकांच्या सुरक्षेकडे इतके दुर्लक्ष का? भारतीय रस्ते काँग्रेस (IRC) च्या नियमांनुसार काम करताना वाहतूक व्यवस्थापन, सुरक्षा उपाय आणि टप्प्याटप्प्याने काम पूर्ण करण्याची सक्ती असते. मात्र प्रत्यक्षात या नियमांचे खुलेआम उल्लंघन होत असल्याचे चित्र आहे. ❗

यामुळे प्रशासनाची जबाबदारी अधिक ठळकपणे समोर येते. विकासकामे ही आवश्यकच आहेत, परंतु ती नियोजनबद्ध, सुरक्षित आणि नागरिकहित लक्षात घेऊन झाली पाहिजेत. अन्यथा विकासाच्या गजरात निष्पाप नागरिकांचे जीव धोक्यात घालण्याचा आरोप प्रशासनावर होणे अपरिहार्य ठरेल.विकासकामांच्या नावाखाली जर नागरिकांच्या सुरक्षेशी तडजोड होत असेल, तर असा विकास नेमका कोणासाठी.? भारतीय रस्ते काँग्रेस (IRC) चे नियम स्पष्टपणे सांगतात. की रस्ते कामे करताना सुरक्षा उपाय, वाहतूक व्यवस्थापन आणि टप्प्याटप्प्याने काम करणे बंधनकारक आहे. मात्र जिल्ह्यात या नियमांचे उघडपणे उल्लंघन होत असल्याचा आरोप आता जोर धरू लागला आहे. ❗🧭

आता तरी संबंधित विभागांनी तात्काळ दखल घेऊन

✅ योग्य सुरक्षा उपाययोजना कराव्यात

✅ स्पष्ट सूचना फलक व वाहतूक नियंत्रण व्यवस्था उभी करावी

✅ कामांचे टप्प्याटप्प्याने नियोजन करून लवकर पूर्णता साधावीअन्यथा संतप्त नागरिक रस्त्यावर उतरल्यास त्याची सर्वस्वी जबाबदारी प्रशासनावरच येणार आहे, हे विसरून चालणार नाही.

🔥नागरिकांचा सवाल सरळ आहे —

👉 आधी सुरक्षा की आधी ठेकेदारांचे बिल…?

👉 अपघात झाल्या नंतरच प्रशासन जागे होणार का ?

👉 जीवितहानीची जबाबदारी नेमकी कोण घेणार?आता वेळ आली आहे ती फक्त आश्वासनांची नाही, तर ठोस कृतीची. अन्यथा विकासाच्या नावाखाली सुरू असलेला हा जीवघेणा प्रयोग थांबवण्यासाठी नागरिक रस्त्यावर उतरले, तर त्याची सर्वस्वी जबाबदारी प्रशासनावरच येणार आहे.

प्रतिक्रिया १) /-

“सुरक्षित रस्ते हा हक्क आहे, उपकार नाहीत” — या घोषणेसह मोर्चाची तयारी सुरू झाल्याचे चित्र सध्या जिल्ह्यात दिसत आहे. 🧭

–तुषार (रोशन )पाटील सोशल मीडिया जिल्हा अध्यक्ष पालघर भारतीय राष्ट्रीय काँग्रेस.

प्रतिक्रिया २)/-

एकाच वेळी रस्ते उखडून ठेवले जात आहेत, मात्र काम पूर्ण करण्यासाठी कोणतीही स्पष्ट वेळमर्यादा किंवा पर्यायी वाहतूक व्यवस्था करण्यात आलेली नाही.–जयेंद्र किसन दुबळा पालघर विधानसभा संघटक शिवसेना (उबाठा ).

प्रतिक्रिया ३)/-

आम्ही सुरक्षेच्या दृष्टिकोनातून सूचना फलक लावले होते. ते अज्ञाताणे काढून टाकले आहेत. मी सोमवारी सुरक्षेच्या दृष्टिकोनातून अजून काही जास्तीचे उपाय करता येतील का त्या बाबत स्वतः जाऊन पाहणी करणार आहे.

— पोपट चव्हाण, उप अभियंता. सा बा विभाग पालघर.